قصة واقعيه
ﺑﺘﺎﻉ ﺗﻜﺴﻲ ﻗﺎﻝ ﺑﺘﻮ ﺍﻟﺼﻐﻴﺮﺓ ﻋﻨﺪﻫﺎ ﺃﺯﻣﺔ
ﻭﻗﺎﻝ ﻛﺎﻥ ﻣﻔﻠﺲ ﺗﻤﻦ ﺑﺨﺎﺥ ﺍﻻﺯﻣﺔ ﻣﺎﻋﻨﺪﻭ ، ﻗﺎﻝ ﻟﻲ ﺍﺗﻮﻛﻠﺖ ﻋﻠﻰ ﺍﻟﻠﻪ
ﺭﻏﻢ ﺇﻧﻮ ﺑﺨﺎﺧﺎ ﺧﻠﺼﺎﻥ ﻭﻗﻔﺖ ﻓﻲ ﻗﻠﺐ ﺍﻟﺴﻮﻕ ﺍﻟﻌﺮﺑﻲ ﺑﺎﻟﻠﻴﻞ ﺭﺍﺟﻲ
ﻣﺸﻮﺍﺭ ، ﻟﻐﺎﻳﺔ 12 ﺑﺎﻟﻠﻴﻞ ﻣﺎﻓﻲ ﻣﺸﻮﺍﺭ ﻭﺍﻧﺎ ﻗﻠﺒﻲ ﻋﻠﻰ ﺍﻟﺒﺖ ﻭﺑﺪﻋﻲ
ﺭﺑﻨﺎ ﻳﻠﻄﻒ ﻣﺎﺗﺠﻴﻬﺎ ﻧﻮﺑﺔ ﺃﺯﻣﺔ ﻓﻲ ﺍﻟﻠﻴﻞ ﺩﺍ ﻫﻲ ﻭﺍﻣﻬﺎ ﺑﺮﺍﻫﻢ ﻭﺛﺎﻟﺜﻦ
ﺍﻟﻔﻠﺲ ، ﻗﺎﻝ ﻭﺻﻞ ﺷﺎﺏ ﻗﻴﺎﻓﺔ ﻗﺎﺷﺮ ﻗﺎﻝ ﻟﻲ ﻳﺎﺧﺎﻝ ﻣﺸﻮﺍﺭ ﻟﻲ (ﻣﻨﻄﻘﺔ
ﻃﺮﻓﻴﺔ ) ﺣﺎﻭﻝ ﻳﺘﻔﻖ ﻣﻌﺎﻱ ﻗﻠﺖ ﻟﻴﻬﻮ ﻳﺎﻭﻟﺪﻱ ﺑﺎﻟﺴﺎﻫﻠﺔ ﺑﺲ ﺍﺭﻛﺐ
ﻣﺎﺑﻨﺨﺘﻠﻒ ﻭﻛﺎﻥ ﻫﺪﻓﻲ ﺑﺲ ﺍﻃﻠﻊ ﺣﻖ ﺑﺨﺎﺥ ﺍﻷﺯﻣﺔ ﺑﺘﺎﻉ ﺑﺘﻲ ﻭﺃﺭﺟﻊ ﺍﻟﺒﻴﺖ
، ﻟﻤﻦ ﻭﺻﻠﻨﺎ ﺍﻟﺤﻠﺔ ﻭﻗﻒ ﻗﺼﺎﺩ ﺑﻴﺖ ﻛﺪﺍ ﻭﻗﺎﻝ ﻟﻲ ﻳﺎﺧﺎﻝ ﻗﺮﻭﺷﻲ ﻧﺎﻗﺼﺔ
ﺑﺲ ﺍﺩﺧﻞ ﺍﺗﻤﻬﺎ ﻣﻦ ﺍﺧﻮﻱ ﻭﺃﺟﻴﻚ ﻓﻘﻠﺖ ﻟﻴﻬﻮ ﻣﺎﻓﻲ ﻣﺸﻜﻠﺔ ، ﻭﻗﻒ ﺩﻗﺎ
ﺍﻟﺒﺎﺏ ﻛﻢ ﺩﺓ ﻭﺩﻓﺮﻭﺍ ﻭﺩﺧﻞ ﻭﻗﻔﻠﻮ ﻭﺭﺍﻫﻮ ، ﺇﻧﺘﻈﺮﺗﻮ ﻗﺮﻳﺐ ﺭﺑﻊ ﺳﺎﻋﺔ
ﻣﺎﺟﺎ ، ﻗﺎﻝ ﻭﺍﻧﺎ ﺻﻮﺭﺓ ﺍﻟﺸﺎﻓﻌﺔ ﻗﺪﺍﻣﻲ ﺧﺎﻳﻔﺎ ﺗﺘﻌﺐ ﻭﺍﻧﺎ ﻣﺎﻓﻲ ، ﻧﺰﻟﺖ
ﺩﻗﻴﺖ ﺍﻟﺒﺎﺏ ﻣﺎﻓﻲ ﺯﻭﻝ ﻓﺘﺢ ﺩﻗﻴﺘﻮ ﺗﺎﻧﻲ ﻛﻢ ﻣﺮﺓ ﻗﺎﻝ ﻭﺍﺣﺪ ﻣﻦ ﺍﻟﺠﻴﺮﺍﻥ
ﻃﻠﻊ ﻭﻗﺎﻝ ﻟﻲ ﻳﺎﺧﺎﻝ ﺩﺍ ﻣﺎﺑﻴﺖ ﺩﺍ ﺣﻮﺵ ﻣﺴﻮﺭ ﻭﺟﺎ ﻟﺰﺍ ﺍﻟﺒﺎﺏ ﻟﻘﻴﺖ
ﺍﻟﺤﻴﻄﺔ ﺍﻟﺒﻲ ﻭﺭﺍ ﻭﺍﻗﻌﺔ ﻭﻣﺎﻓﻲ ﺑﻴﺖ ﺑﻞ ﻗﻄﻌﺔ ﻣﺴﻮﺭﺓ ﻭﺍﻟﻤﻄﺮﺓ ﺭﺍﻣﻴﺔ
ﺍﻟﺤﻮﺵ ﺍﻟﻮﺭﻯ ، ﻓﻘﺎﻝ ﻟﻲ ﺇﻧﺖ ﻋﺎﻭﺯ ﺑﻴﺖ ﻣﻨﻮ ﻓﺤﻜﻴﺖ ﻟﻴﻬﻮ ﺍﻟﻘﺼﺔ ﻓﻘﺎﻝ
ﻟﻲ ﺩﺍ ﺯﻭﻝ ﻏﺸﺎﻙ ﻭﺩﺍ ﺯﻭﻝ ﻣﺎﺑﺨﺎﻑ ﺍﻟﻠﻪ
ﻗﺎﻝ ﺣﺰﻧﺖ ﺟﺪﺍ ﻭﺇﺗﺄﻟﻤﺖ ﺷﺪﻳﺪ ﺍﻟﻠﻴﻞ ﻟﻴﻞ ﻭﻣﺎﻓﻲ ﻗﺮﻭﺵ ﻭﺍﻧﺎ ﻓﻲ حتة
ﺑﻌﻴﺪﺓ ﺟﺪﺍ ﻭﺑﺘﻲ ﻗﺪﺍﻣﻲ ، ﻗﺎﻝ ﻗﻌﺪﺕ ﻓﻲ ﺍﻟﺪﺭﻛﺴﻮﻥ ﻭﺍﺗﻜﻴﺖ ﺑﻌﺪ ﺣﺴﻴﺖ
ﺑﻲ ﻗﻬﺮ ﻭﺿﻌﻒ ﻭﻗﻠﺖ ( ﻳﺎﺍﺍﺭﺏ ، ﺍﻟﺰﻭﻝ ﺩﺍ ﻗﺎﻳﻞ ﻧﻔﺴﻮ ﻏﺸﺎﻧﻲ ﻟﻜﻦ ﻫﻮ
ﻏﺸﻰ ﺭﻭﺣﻮ ﻻﻧﻮ ﺍﻧﺎ ﻟﻮ ﺩﻋﻴﺖ ﻋﻠﻴﻬﻮ ﺇﻧﺖ ﺑﺘﻨﺼﺮﻧﻲ ﻳﺎﻧﺼﻴﺮ ﺍﻟﻤﻈﻠﻮﻣﻴﻦ
ﻟﻜﻦ ﻳﺎﺭﺏ ﺃﺷﻬﺪﻙ ﺇﻧﻲ ﻋﻔﻴﺖ ﻟﻴﻬﻮ ﺗﻌﺒﻲ ﺩﺍ ﻟﻮﺟﻬﻚ ﺍﻟﻜﺮﻳﻢ ﺑﺲ ﻳﺎﺭﺑﻨﺎ
ﺍﻟﻄﻒ ﺑﻲ ﺑﺘﻲ ﺍﻹﺑﺘﻠﻴﺘﺎ ﺑﺎﻷﺯﻣﺔ ﺃﻧﺎ ﺻﺎﺑﺮ ﻭﻗﺒﻼﻥ ﻳﺎﺭﺏ ﺗﻐﻔﺮ ﻟﻴﻬﻮ )
ﺩﻭﺭﺕ ﺍﺗﺤﺮﻛﺘﺎ ﻭﺩﻣﻮﻋﻲ ﻓﻲ ﻭﺷﻲ،،
ﻓﻲ ﺍﻟﺰﻟﻂ ﻭﺍﻧﺎ ﻃﺎﻟﻊ ﻣﻦ ﺍﻟﺤﻠﺔ ﻭﻗﻔﻨﻲ ﺷﺎﺏ ﻗﺎﻝ ﻟﻲ ﻣﺸﻮﺍﺭ ﺍﻟﻤﻄﺎﺭ ،
ﻣﺸﻴﻨﺎ ﺷﻠﻨﺎ ﺃﺳﺮﺓ ﻭﺻﻠﺘﻬﻢ ﺍﻟﻤﻄﺎﺭ ﻭﻧﺰﻟﻮﺍ ﺍﻟﺸﻨﻂ ﻓﻘﺎﻝ ﺑﺘﻬﻢ ﺍﻟﻜﺒﻴﺮﺓ
ﺍﻟﻤﺴﺎﻓﺮﺓ ﻣﻊ ﺃﻣﻬﺎ ﻫﻲ ﺍﻟﺤﺎﺳﺒﺘﻨﻲ ﻗﺎﻝ ﺍﺩﺗﻨﻲ ﻭﻗﺎﻟﺖ ﻟﻲ ﺷﻜﺮﺍ ﻳﺎ ﺍﺑﻮﻱ
ﺍﻟﻠﻪ ﻳﻘﻮﻳﻚ ، ﻓﻘﺎﻝ ﻗﻮﻟﺖ ( ﻳﺎ ﺍﺑﻮﻱ ﺩﻱ ) ﺧﺠﻠﺘﻨﻲ ﺃﺷﻮﻑ ﺍﻟﻘﺮﻭﺵ ﻛﻢ
ﺩﺧﻠﺘﻬﺎ ﻓﻲ ﺟﻴﺒﻲ ﻭﻗﻠﺖ ﻟﻴﻬﺎ ﺗﺼﻠﻮ ﺑﺎﻟﺴﻼﻣﺔ ، ﻭﺍﻧﺎ ﻻﻓﻲ ﻓﻲ ﻟﻔﺖ ﺻﺎﻟﺔ
ﺍﻟﻮﺻﻮﻝ ﺑﺘﺎﻉ ﺗﻜﺴﻲ ﺷﺎﺣﻦ ﺿﺮﺏ ﻟﻲ ﺑﻮﺭﻱ ﻗﺎﻝ ﻟﻲ ﻓﻲ ﻛﻢ ﻃﻴﺎﺭﺓ ﻧﺰﻟﺖ
ﺍﻟﺨﻠﻖ ﻛﺘﺎﺭ ﺃﻏﺸﻰ ﺷﻴﻞ ﻟﻴﻚ ﻣﺸﻮﺍﺭ ، ﺷﻜﺮﺗﻮ ﻭﺭﺟﻌﺖ ﻋﻠﻰ ﺍﻟﻮﺻﻮﻝ
ﻻﻗﺎﻧﻲ ﺷﺎﺏ ﻻﺯﻱ ﻋﺮﺑﻴﺘﻮ ﻓﻴﻬﺎ ﺷﻨﻂ ﻭﻗﻔﻨﻲ ، ﻣﺎ ﺍﺗﻔﻘﺖ ﻣﻌﺎﻫﻮ ﻗﻠﺖ ﻟﻴﻬﻮ
ﺍﺭكب ﻳﺎﻭﻟﺪﻱ ﻓﻘﺎﻝ ﺭﻓﻌﻨﺎ ﺷﻨﻄﻮ ﻭﻃﻠﻊ ﻣﺎﺷﻲ ﻗﺮﻳﺐ ﻣﻦ ﺳﻜﻨﻲ
(ﺍﻟﺤﺘﺎﻧﻪ ) ﻓﻘﺎﻝ ﻓﻲ ﺍﻟﻄﺮﻳﻖ ﻗﺎﻝ ﻟﻲ ﻳﺎﻋﻤﻨﺎ ﻭﺍﻟﻠﻪ ﺍﻧﺎ ﺟﺎﻳﻲ ﻛﻮﻧﻜﺸﻦ
ﻭﻣﺮﻫﻖ ﻭجيعان ﺟﻮﻋﺔ ﻏﺮﻳﺒﺔ ﺭﺍﻳﻚ ﺷﻨﻮ ﺗﻤﺸﻲ ﻣﻌﺎﻱ ﻣﻄﻌﻢ نتعشي
ﻭﻧﻮﺍﺻﻞ ، ﻓﻘﻠﺖ ﻟﻴﻬﻮ ﻭﺍﻟﻠﻪ ﻳﺎﻭﻟﺪﻱ ﻳﺎﺭﻳﺖ ﻟﻜﻦ ﺑﺲ ﻣﺤﺼﻞ ﺍﺷﺘﺮﻱ ﻟﻲ
ﺩﻭﺍﺀ ﻟﻲ ﺑﺘﻲ ﻋﻴﺎﻧﺔ ﻣﺎﺑﻘﺪﺭ ﺁﻛﻞ ﻣﻘﻠﻖ ﻋﻠﻴﻬﺎ ﻓﻘﺎﻝ ﻟﻲ ﻣﻌﻠﻴﺶ ﻭﺍﺻﻞ .
ﻓﻲ ﺍﻟﻄﺮﻳﻖ ﺳﺎﻟﻨﻲ ﺑﺘﻚ ﻣﺎﻻ ﻋﻴﺎﻧﺔ ، ﻗﻠﺖ ﻟﻴﻬﻮ ﻋﻨﺪﻫﺎ ﺍﺯﻣﺔ ﻓﻜﻔﺮ ﻟﻲ
ﻭﻗﺎﻝ ﻟﻲ ﺍﻷﺯﻣﺔ ﻓﻘﺮﻳﺔ ﺭﺑﻨﺎ ﻳﺸﻔﻴﻬﺎ ﻭﺍﺑﺘﺴﻢ ، ﻓﻘﺎﻝ ﺇﺳﺘﻐﺮﺑﺖ ﻣﻦ
ﺇﺑﺘﺴﺎﻣﺘﻮ ﺻﺮﺍﺣﺔ ،
ﻓﻲ ﺍﻟﻄﺮﻳﻖ ﺇﺳﺘﺌﺬﻧﺘﻮ ﺍﻧﺰﻝ ﺩﻗﻴﻘﺘﻴﻦ ﺍﻟﺼﻴﺪﻟﻴﺔ ﻓﻘﺎﻝ ﻟﻲ ﻻ ﻳﺎﻋﻤﻨﺎ ﻣﺎﺗﻨﺰﻝ
ﻭﺍﺻﻞ ، ﻗﻠﺖ ﻟﻴﻬﻮ ﻳﻤﻜﻦ ﻣﺎ ﺍﻟﻘﻰ ﺻﻴﺪﻟﻴﺔ ﺗﺎﻧﻲ ﻓﺎﺗﺤﺔ ﻓﻘﺎﻝ ﻟﻲ ﻳﺎ ﺍﺑﻮﻱ
( ﻳﺎﺥ ﺍﻟﺼﻴﺪﻟﻴﺔ ﻓﻲ ﺷﻨﻄﻲ ﺩﻱ ) ﻭﻗﻌﺪ ﻳﻀﺤﻚ ﻗﻠﺖ ﻟﻴﻬﻮ ﻛﻴﻒ ؟
ﻗﺎﻝ ﻟﻲ ﺍﻧﺎ ﺷﻐﺎﻝ ﻓﻲ ﺷﺮﻛﺔ ﺍﺩﻭﻳﺔ ﺧﻠﻴﺠﻴﺔ ﻭﺳﻴﺪ ﺍﻟﺸﺮﻛﺔ ﺑﻴﺪﻳﻨﺎ ﺩﺍﻳﻤﺎ
ﺍﺩﻭﻳﺔ ﻣﺠﺎﻧﻴﺔ ﻧﻮﺯﻋﺎ ﻟﻠﻤﺮﺿﻰ ﺍﻟﻤﺤﺘﺎﺟﻴﻦ ﻣﺠﺎﻧﺎ ( ﻧﻮﻉ ﻣﻦ ﺍﻟﺰﻛﺎﺓ ) ﻭﻣﺎﻓﻲ
ﺯﻭﻝ ﻣﺤﺘﺎﺝ ﻓﻲ ﻧﻈﺮﻱ ﺯﻱ ﺯﻭﻝ ﻛﺒﻴﺮ ﻓﻲ ﺳﻨﻚ ﺳﺎﻳﻖ ﺗﻜﺴﻲ ﻗﺪﻳﻢ ﺍﻟﺴﺎﻋﺔ
2 ﺻﺒﺎﺣﺎ ﺷﺎﻥ ﻳﻮﻓﺮ ﻋﻼﺝ ﻟﻲ ﺑﺘﻮ ، ﻓﻘﺎﻝ ﻭﺻﻠﺘﻮ ﺑﻴﺘﻮ ﻧﺰﻝ ﺍﻟﺸﻨﻂ ﻭﻓﺘﺢ
ﺷﻨﻄﺘﻮ ﺍﺩﺍﻧﻲ ﺗﻼﺗﻪ ﺑﺨﺎﺧﺎﺕ ﻗﺎﻝ ﺷﻠﺖ ﻭﺍﺣﺪ ﻭﻗﻠﺖ ﻟﻴﻬﻮ ﻳﺎﻭﻟﺪﻱ ﻭﺍﺣﺪ
ﻛﻔﺎﻳﺔ ﻓﺄﻗﺴﻢ ﺇﻻ ﺃﺷﻴﻞ ﺍﻟﺘﻼﺗﻪ ﺑﺨﺎﺧﺎﺕ ﻭﻗﺎﻝ ﻟﻲ ﻳﺎ ﺍﺑﻮﻱ ﺩﺍ ﺭﻗﻤﻲ ﻛﻞ
ﻣﺎﺗﺤﺘﺎﺝ ﺑﺮﺳﻞ ﻟﻴﻚ ﻣﻊ ﺯﻭﻝ ﺟﺎﻳﻲ ﺍﻟﺴﻮﺩﺍﻥ ﺍﺭﺟﻮﻙ ﻣﺎﺗﺸﺘﺮﻱ
ﻋﻤﻚ ﻣﺎﺷﻲ ﻗﺎﻝ ﺍﺩﺍﻧﻲ ﻗﺮﻭﺵ ﺇﻣﺎﺭﺍﺗﻴﺔ ﻓﻘﻠﺖ ﻟﻴﻬﻮ ﻳﺎﻭﻟﺪﻱ ﺍﻟﺪﻭﺍﺀ ﺩﺍ
ﻛﻔﺎﻳﺔ ﺍﻧﺖ ﺷﻠﺖ ﻣﻨﻲ ﻫﻢ ﻓﻘﺎﻝ ﺣﻠﻒ ﻭﺍﺻﺮﺍ ﺃﺷﻴﻼ ﻓﻘﺎﻝ ﻋﺎﻳﻨﺖ ﻟﻴﻬﻮ
ﺟﻮﻯ ﻋﻴﻮﻧﻮ ﻭﻛﻨﺖ ﺑﻘﺼﺪ ﺭﺑﻨﺎ ﻓﻲ ﻛﻼﻣﻲ ﻗﻠﺖ ﻟﻴﻬﻮ ( ﺇﻧﺖ ﻛﺮﻳﻢ ﻟﻠﺪﺭﺟﺔ
ﺩﻱ ) ؟ !!! ﻓﻘﺎﻝ ﻟﻲ ﻳﺎ ﺍﺑﻮﻱ ﺩﺍ ﻛﺮﻡ ﻣﻦ ﺭﺏ ﺍﻟﻌﺎﻟﻤﻴﻦ ﺟﺎﺗﻚ ﻣﻦ
ﺍﻟﻠﻪ ﻧﻴﺘﻚ ﻃﻴﺒﺔ ، ﻳﻌﻨﻲ ﻛﺎﻧﻮ ﺭﺩ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﻋﻠﻰ ﻟﺴﺎﻧﻮ ، ﻓﻘﺎﻝ
ﺍﺗﺤﺮﻛﺖ ﻭﺍﻧﺎ ﻣﺒﺴﻮﻁ ، ﻣﺒﺴﻮﻁ ﻣﻦ ﺭﺑﻨﺎ ﻭﻣﺒﺴﻮﻁ ﺍﻛﺘﺮ ﻣﻦ ﺍﻟﺸﺎﺏ
( ﺍﻟﻐﺸﺎﻧﻲ ﺩﺍﻙ )
ﻟﻤﻦ ﻭﺻﻠﺖ ﺍﻟﺒﻴﺖ ﺩﺧﻠﺖ ﺳﺮﻳﻊ ﻟﺰﻳﺖ ﺍﻟﺒﺎﺏ ﻓﻠﻘﻴﺖ ﺑﺘﻲ ﻧﺎﻳﻤﺔ ﺳﺎﻟﺖ
ﺯﻭﺟﺘﻲ ﻗﻠﺖ ﻟﻴﻬﺎ ﺍﻥ ﺷﺎﺀ ﺍﻟﻠﻪ ﻣﺎﺗﻜﻮﻥ ﺗﻌﺒﺖ ﻓﻘﺎﻟﺖ ﻟﻲ ﻭﺍﻟﻠﻪ ﺯﻱ ﺍﻟﺴﺎﻋﺔ
12 ﻭﻧﺺ ﺍﺗﻀﺎﻳﻘﺖ ﻟﻤﻦ ﻗﻠﺖ ﺑﺘﻤﻮﺕ ﻭﺿﻤﻴﺘﺎ ﻋﻠﻲ ﻭﺑﻘﻴﺖ ﺍﺩﻋﻲ ﺑﻌﺪ ﺷﻮﻳﺔ
ﻗﺎﻟﺖ ﻟﻲ ﻳﺎ ﺍﻣﻲ ﻭﺍﻟﻠﻪ ﻧﻔﺴﻲ ﺭﺟﻊ ﻃﺒﻴﻌﻲ ﺍﺭﺗﺤﺖ ، ﻭﻧﺎﻣﺖ ﻓﻘﺎﻝ ﻟﻤﻦ
ﺭﺟﻌﺖ ﺍﺗﺬﻛﺮ ﺍﻟﺰﻣﻦ ﻟﻘﻴﺘﻮ ﻧﻔﺲ ﺍﻟﺰﻣﻦ ﺍﻻﻧﺎ ﺭﻗﺪﺗﺎ ﻓﻴﻬﻮ ﻓﻲ ﺩﺭﻛﺴﻮﻥ
ﻋﺮﺑﻴﺘﻲ ﻭﺑﻜﻴﺖ ﻭﻋﻔﻴﺖ ﻋﻦ ﺍﻟﺰﻭﻝ ﻭﻗﻠﺖ ﻟﻲ ﺭﺑﻨﺎ ﺃﺷﻔﻴﻬﺎ ﻭﺃﺣﻔﻈﺎ !! ﻓﻘﺎﻝ
ﻣﺸﻴﺖ ﺻﺤﻴﺘﺎ ﻭسلمت عليها ﻭﻗﺎﻟﺖ ﻟﻲ ﺍﻧﺎ ﻛﻮﻳﺴﺔ يا ابوي ، ﻓﻘﺎﻝ ﻣﻦ ﺍﻟﻴﻮﻡ ﺩﺍﻙ
ﻭﺻﻞ ﻟﻲ ﺣﻘﻴﻘﺔ ، ﻟﻮ ﻟﺠﺌﺖ ﻟﻲ ﺭﺑﻨﺎ (ﺑﺼﺪﻕ ) ﻭﺍﺳﺘﻐﻨﻴﺖ ﻋﻦ ﺧﻠﻘﻮ ﺑﻴﺠﻴﺐ
ﻟﻴﻚ ﺍﻟﺨﻴﺮ ﻭﻳﺴﺨﺮﻭ ﻟﻴﻚ
ﺍﻣﺎ ﺍﻧﺎ ﻓﻄﻠﻌﺖ ﻣﻦ ﻗﺼﺘﻮ ﺩﻱ ﺑﺎﻵﺗﻲ :
ﻟﻮ ﺧﻠﻴﺖ ﺭﺑﻨﺎ ﺧﻠﻴﻔﺔ ﻋﻠﻰ ﺍﻫﻠﻚ ﻭﻣﺎﻟﻚ ﻣﺎﺑﺘﺠﻴﻚ ﻋﻮﺟﺔ ( ﺑﺎﻟﺼﺪﻕ ﻭﺍﻟﻨﻴﺔ )
ﺍﻟﺸﺎﺏ ﺍﻟﻐﺸﺎ ﻋﻤﻚ ﺩﺍ ﻏﺸﺎﻫﻮ ﻟﻲ ﺧﻴﺮ ﻻﻧﻮ ﻟﻮ ﺣﺎﺳﺒﻮ ﻛﺎﻥ ﺭﺟﻊ ﺑﻴﺘﻮ
ﺑﺎﻟﺒﺨﺎﺥ ﻣﺪﻓﻮﻉ ﺍﻟﺘﻤﻦ
ﻟﻮ ﺳﺎﻣﺤﺖ ﺯﻭﻝ ﻇﻠﻤﻚ ﺩﺍ ﺣﺎﺟﺔ ﺻﻌﺒﺔ ﻗﺪﺭﺗﺎ ﺗﻜﺴﺮ ﻧﻔﺴﻚ ﻟﻮﺟﻪ ﺍﻟﻠﻪ ﺭﺑﻨﺎ ﺣﺎﻳﻌﻮﺿﻚ ..
#ﺣﺐ ﺍﻟﻠﻪ 💚
اذا تميت البوست ده بالله اعملو شيير عشان يصل لغيرك
ناس تعافر لي اللقيمة
و ناس تكورك في الشوارع ناس
بترسم فيك بسمة
و تبقى لي املك منابت
ناس تخليك تبكي لما تحس بإنك ناسي ربك و وهو راحمك❤❤
ليست هناك تعليقات:
إرسال تعليق
نشكرك على تعليقك سوف يتم التعقيب والرد في اقرب وقت.