تدشن الشاعرة والكاتبة الصحفية، “نضال حسن الحاج” باكورة إنتاجها في مجال الشعر ديوان (الريدة الحتالة الأولى) في الرابع والعشرين من شهر أكتوبر الجاري من خلال حفل كبير بالقاعة الرئاسية بقاعة الصداقة بالخرطوم .
وقدمت “نضال الحاج” الدعوة للإعلاميين والشعراء وللجمهور لمشاركتها فرحتها الأولى، ويتضمن الديوان الأول مجموعة منتقاة من القصائد العاطفية، حيث تستعد أيضاً خلال الفترة القادمة لرفد المكتبة الثقافية السودانية بثلاثة دواوين جديدة تحت الطبع تتضمن ديوان الشعر الغنائي وديوان الرباعيات وديوان به كوكتيل من القصائد الوطنية وكتابات من مقاصد الشعر المختلفة الأخرى.
...
بدل ماتقولي مشتاقين عشان يضحك ويقول بالاكتر
اضحكي ضحكه فيها براءة. .واكتبي نص معقد اكتر ...
اكتبي حاجه تفتح قلبو ..قول لي قلبي قاعد يتوتر...
يرجفی نبضو من يلقاك ...وضخ الدم كمان بتوتر..
اكتبي ليهو حاجه غريبه مثلا ريدي ليك ..تركتر ...
المطره البغرق سيلا ..قطعتا دايرة ليها تركتر..
او قو ل ليو طيور الجنه مجنوووونات رقيصن اشتر ..
هو لامات شان يشوف الجنه لابعرف الرقيص الاشتر..
اكتبي حاجه أحلى وادفی ...
مثلا زي ...عيونك جننة...
حاجتيين فيهن البتمنی ...
او قول ليو دقيقة استنی...
هاك قلبي العليكا احن ...
من حن السفن بالمرفا ...
اكتبي ليهو حاجه بدورا ...
قول ليو عندي ليك دكتوووره ...
اتحدت دكاترة ريدك القدامي صدقا وصورة...
قول لي الريد ببيح في عرفو حاجات مافي ليها ضرورة. ..
والريد عيد ولامحتاجلو لي رؤية هلال لاوقفة ...
قول ليو هسسا موش لاقيتك ...
اتذكرت حاجه وجيتك ...
انت مشيتني سكه بعيدة ...بيها اليوما داك حجيتك ...
انت تكوس علي في بيتنا ..وانا بي اختصار غشيتك ...
انت فتحت لي باب قلبك الوراني ...وانا خشيتك
خلسه دخلت من احزاني ...وانت سمعتني وحسيتك ...
مرقت تكوس علي من تاني ...مالك ياالحبيب جنيت ...
تقول لي لالا ياالمالياني ...لي وجع السنين حنيت ...
وقتا اضههبن من قلبي ...واددعي بيننا مافيش عرفه ...
ياخ قول ليهو جيتك احلی من شاي الحليب بالقرفه ...
شوفتك احلی لي من زول معللم الله جاتو الصرفه ...
عصفور انت ركت كرعي في كراع عنقريب في غرفه ...
مبسوطينبو شفع بيتنا ....رافعين ليو قزاز الكلفه ...
ياخ دقيقه دقيقه ...
قول ليو حاجه مالاقاها قبال ...شوفي ليكي طريقه ...
اي نعم انو فااااهم جدا ...ااي الحقيقه حقيقه ..
لكن دايرة لي فد كلمة ...تنديل الكلام مايعيقة ...
قول ليو يانضال ...فد حاجه ...
لا طير جنة لا كبسيبة ...كلمة يكون شديد محتاجه ...
هو شن خساهو في النص المعقد اكتر ...
وشن خساهو في الشوق الولا بتمتر ...
هو اصلا لابتذرو المطرة لامحتاج عشانه تركتر .. لا خساووطيور الجنه لا هما الرقيص الاشتر ...
قول ليو حاجه مابتتتنی. ...بنها في القصايد ماجا ...
حاجه ...براااها تتقريفلو ...ويعرف يكفي ليها مزاجا ...
اجمل من تقولا اغاني ..
واكبر من تسللم روحا ...لي سمع البعيد والداني ...
حاجه ....عشان يقولا غناكي ...محتاج الف معجم تاني ...
يشرح رابطه وابعادا ...سللم قدرتا الوجداني ...
اشطبي يللا ...اكتبي تاني
اكتبي تاني حاجه بسييطه
عينيك يالحبيب نيلين وقلبك للكتابه محيطا ...
عينيك النصيحه نصييحه ...
مرقت مني سهم الوجعه يوم لاقيتني راقده جريحه ...
عينيك ديل قوانين قتل دولي وحايمه بي تصريحه ...
متعبه يوم تقبل مني ...لكن في الحقيقه مريحه ...
ياخ عينيك ...جداول المي ...نخلة وبمبرين وسبيطه ...
ياخ انا مالي حاسه كاني مسرفه في الكلام وعبيطه...
فددة كلمه ....
غمدي بي اختصار قولبها ....او قول ليهو جات في حلمه ..
خليك من كلام الشعرا ...حكمة ناس زهير ابو سلمی ...
خليك واضحه ...طلة قمرة في دورين ...قصاد الضلمه ...
قول ليو انتي عاااارفه الكلمه ..خلي المسكنه وقوليها . ..
كم حول وانتي ياالمسكينه كاتمة قدر ده ساكته عليها ...
ياخ نيفاشا حللو نقاشا ...وسد النهضه ...عرفو البيها ...
ومشكلة انك انتي تقولي فدة كلمه ...ماتحليها ...ياخ خليها...
لالا خلاس ...بقولا بقولا ...
ياخ انا وانت يامحبوبي ...ماخدين في التفاني بطوله ...
عيني شايله منك شوفا ...عينيك حاجه مامعقوله ...
عينيك حاجه مامعقوله ؟؟
ياخ والله انتي الحاجه مامعقوله
قوم خليها .
.لالا خلاس بقولا بقولا ...
ياخي. ..بريييييييدك ...ايوة برييدك ...الريدة الجميله فصولة ...
الريدة القبل يتخاصموبا الناس بتدي حلولا . ريدا زكاتا تدي تلاته اضعاف كلما حال حولا
ريدة ...حتالة ...
اديتا البحر ماشالا ...
سيدا محل يقبل وشو ...في عينيهو تقرا الحالة ...
(ريدةة حتاله ..ريدة خجووله ..
.اخر ريدة ...لكن اولی ....)..
نضال حسن الحاج
