مصيرنا الليله نتلاقى

مصيرنا الليله نتلاقى
نبدل للحزن فرحة
نفارق  لدميعاتنا
ونسرح في الخيال سرحه
نعلب بإسم ريدنا
ونمرح بالغزل مرحه
نغني الغرام غنوات
نرسم للعشق لوحة
نعانق فينا أرواحنا
ونحكي لبعض همسه
ونكتب للشعر آيات
يضمد حبنا الجرحه
واهديك العمر والروح
واهديك القلب طرحه
اكتب ليك حروف من نور
ومنك استهل لمحه
اجيلك في بيوت الريد
نفسك احلى من نفحة
بحبك انتي بس لاغير
بحبك والعمر برحه
عطورك من غزال القوز
وجهك يشبه القمحه
خدودك ونادها طل
انتي للحزيين فرحه
وابقى لك بحر واسع
تبقى معايا ات مرسه

وكانت الخطوبة شاكوش

مصيرك بكره تنسينا
وتنسي الريده والعشره
وتنسي كل تفاصيلنا
وتكتل حبنا الذكره
وننساك والقلب عندك
معاك يكبر الفكرة
ننساك والجروح تنزف
سايله دماء منهمره
ننساك والعمر لحظات
نعيشها مصيرنا في حفره
نعيشها ونحن نتعذب
بيك بلاكي في جمره
شفنا مداك في الجفوه
وشفنا قساوة النظرة
خطورة ليلك الدامس
بياض الفيس كما القمرة
ولؤلؤ  ماوسك الجاهر
في التصوير اخدخبره
الابنوس بعد جفنك
بيشوي القلب كالجمره
جمالك في البنات معدوم
ووصفك حير الشعراء
شهد ريقك وراء اللسان
مذاقه برجع الكفره
حظي تعيس لمحت عينيك
وسعيد اللبسك دبله
واليوم النظرتك فيه
كل ما يحول بقيم حفله
عشان ذكراك بظل عايش
وشان وجهك مع القمرة

نبذة عن الشاعر :-
الإسم :التقي عبد القوي عبد النبي عبدالقوي

اللقب :- " ود العمدة "
الميلاد:- ولاية كردفان _الترتر - محلية التضامن
الموافق م3/1/1997

مراحل التعليم :-
الترتر الأساسية المزدوجة
_بلوله الثانوية
_جامعة افريقيا العالمية - كلية الهندسة