انتي سيدة النساء

يا  ليتها   بين    النساء   حبيبتي تشرق مع فجراً عبوسُ في دنيتي تمسح دموعاً من جفوني ومقلتي تشلع شموعافي حشاي وظلمتي اناديها في زمن الهجير ياروعتي سوقيني من هذا العويل الممتطي اعطيني من نفسك نفس يا منيتي اعطيني من عطفك حنان يا جنتي اسميتها سيدة النساء اسم ٌورته معزتي . . بقلم الشاعر / التقي عبدالقوي

ما بألي اراك في كل مكان

ما بآالي اصبحت اراك في كل مكان ،، في الجدران ، الكتب ، وحتى كوب القهوة الصباحي لا يخلو من صورتك ..! يغمرني شعور غريب و كأنك اخذت معك شيئا غاليا وذهبت ! ليتني استيقظ واجدك تطلب الافطار لانك على عجلة ، او تسألني من مفتاحك الذي اضعته ! ليتني استيقظ واجدك !! قد مرت بضعة اسابيع وكل يوم شوقي لك يزداد ، امنيتي بان اراك قريبا لا تترك لي مجالا حتى افكر في شيء اخر! ليتني اقول لك عد ،، فتعد ! ليتك بقيت ! ولكني لست انانية حتى اطلب ذلك منك ..! سأهديك دعواتي دائما وهي ممتطية السحاآب نزلا لها ..! فقط اتمنى ان تكون بخير ،، أخي ♡ حفظك الرحمن ..!
#fadwa_khalil

الكمال لله

وكلنا فينا عيوب ، مافي زول اتخلق كامل
#الكمال-لله .!! يعني كلنا كدا ناقصين .. فاا زي م غيرنا ديل نحن بنشوف عيوبهم .. نحن كمان ملانييين يمكن اكتر منهم بس في حاجة مهمة و هي سبب في فشل علاقتنا بي كتير من الناس ! احنا قبل م ندخل اي علاقة صداقة زمالة او غيرو م بنفكر ف عيوب الطرف الاخر .. هل ممكن نحبها او على الاقل نتقبلها ؟! عشان لو ما ممكن من البداية نختصر لروحنا وما ندخل ف علاقات ممكن نحس بالندم عليها !
#fadwa_khalil

لحظة وعي ما تضيعها

فجأة كدا بيجيك احساس بالوعي .. بتبدا تعيد نظر وتفكر في شخصياات كدا محتلة مكان من حياتك !! بتبدا ترتب اموؤرك من جديد وترتب احساسك تجاهم ! وبتكون محتار جداا ومستغرب في روحك كيف انت متعلق بالاشخاص ديل ؟! ومابتلقى اجابة بس غير انك تقول لي روحك ( ياخ والله كنت اهبل بس ) !!
لكن يااخ ما اهبل .. انت بس كنت على نياتك كدا وطوالي بتسأل منهم من غير ما تنتظر انهم يسألو منك ! طوالي بتتذكر مناسباتهم العامة والخاصة وبتهنيهم ويمكن انت البتذكرهم بالمناسبات دي !! وفي عز انشغالك بتستقطع من زمنك ولو دقايق
بس ترسل مسج تهنئة وطبعا انت كدا بترتاح ! بس بعد فترررة لمن تفضى كدا وترجع تدخل مسجاتك فيس او غيرو بتلقى رسالتك دييييك الفي عز انشغالك seen بس ما بيكون في رد !! طيب تمام عادي ياخ بيكونو مشغوليين الناس ديل ! وشوية وتكتر المواقف دي واحنا لسة ما ملاحظين ! بس لما تجي لحظة الوعي دي بنبدا نراجع كل مواقفنا ونشوف قدر شنو نحن كنا مادينهم اكتر من حقهم بي كتييير !! و بنصل لي قناعة انو احنا مفترض نبعد ! ياخ كفااية جدا والله ونفسنا غاااالية علينا جدددا ..!*
#لحظة_وعي_ماتضيعها 😉👌

#fadwa_khalil 😍

أحلام طفولية

ﻟﻜﻞ ﻣﻨﺎ ﺃﺣﻼﻡ ﻃﻔﻮﻟﻴﺔ ^^ ﻓﻘﺪ ﺗﺪﻓﻦ ﻣﻊ ﺍﻟﻄﻔﻮﻟﺔ ﻭﺗﻨﺴﻰ ،، ﺃﻭ ﺗﺼﺎﺭﻉ ﺍﻟﺬﺍﻛﺮﺓ ﺣﺘﻰ ﺗﺒﻘﻰ ﺍﻣﻨﻴﺔ ﻓﻲ ﻛﺒﺮﻧﺎ ﻳﺮﺟﻰ ﺗﺤﻘﻴﻘﻬﺎ !..
ﺗﻤﻨﻴﺖ ﻛﺜﻴﺮﺍ ﺍﻥ ﺃﺷﺎﺭﻙ ﺍﻟﻨﻴﻞ ﻓﻲ ﻭﺩﺍﻉ ﺍﻟﺸﻤﺲ ﻭﻫﻲ ﺗﻌﻜﺲ ﺻﻮﺭﺗﻬﺎ ﻋﻠﻴﻪ ﺫﺍﺕ ﻳﻮﻡ ﻭﺍﻧﺎ ﺍﺟﻠﺲ ﺑﺠﺎﻧﺒﻪ ! ﻭﺍﺭﻯ ﺧﻴﻮﻃﻬﺎ ﻗﺪ ﺑﺪﺃﺕ ﺗﺘﺴﻠﻞ ﻭﺍﺣﺪﺓ ﺗﻠﻮ ﺍﻻﺧﺮﻯ ! ﺗﻤﻨﻴﺖ ﺍﻟﺠﻠﻮﺱ ﺣﺘﻰ ﻳﺘﺜﻨﻰ ﻟﻲ ﺭﺳﻤﻬﺎ ﺑﺎﻟﻮﺍﻥ ﺍﻟﺮﻭﻭﻋﺔ ﺑﻬﺪﻭﻭﺀ ﻓﻲ ﻣﺨﻴﻠﺘﻲ !!
ﻭﺃﻣﻨﻴﺔ ﺍﺧﺮﻯ ﻗﺪ ﺍﻋﻠﻨﺖ ﻗﻮﺗﻬﺎ ﺣﻴﻦ ﺍﺻﺒﺤﺖ ﺍﻣﻨﻴﺘﻲ ﺍﻟﻤﺴﺘﺪﻳﻤﺔ ﺍﻟﺘﻲ ﺣﻘﻘﺘﻬﺎ ﻭﻣﺎ ﺯﺍﻟﺖ ﺍﻣﻨﻴﺔ *^ ،، ﻓﻤﺪﺍﻋﺒﺔ ﺣﺒﺎﺕ ﺍﻟﻠﺆﻟﺆ ﺍﻟﻤﺘﺴﺎﻗﻄﺔ ﺑﺤﺐ ﻋﻠﻰ ﺍﻻﺭﺽ ﻟﻬﺎ ﺷﻌﻮﺭ ﻳﻔﻮﻕ ﺍﻟﺮﻭﻋﺔ ﻟﺪﻱ ♡ .. ﻭﺭﺍﺋﺤﺔ ﺍﻻﺭﺽ ﺍﻟﻤﺮﺗﺸﺔ ﺑﻬﺎ ﻋﻄﺮ ﻗﺪ ﺍﺩﻣﻨﺘﻪ ! ،، ﺗﻠﻚ ﺍﻟﻘﻄﺮﺍﺕ ﺗﺠﻌﻠﻨﻲ ﺍﻋﻮﺩ ﻃﻔﻠﺔ ﻛﻤﺎ ﻳﺸﻌﺮﻧﻲ ﺣﻀﻦ ﺍﻣﻲ ،، ﻟﺤﻈﺎﺕ ﻳﺼﺒﺢ ﻓﻴﻬﺎ ﺍﻟﻤﻄﺮ ﻓﻲ ﻣﺠﺮﻯ ﺩﻣﻲ ﻓﻴﺮﺩ ﺍﻟﺮﻭﺡ ﻟﻴﻜﺴﻮﻫﺎ ﺑﺒﺮﺍﺀﺓ ﺍﻻﻃﻔﺎﻝ ﻭ ﻋﻔﻮﻳﺘﻬﻢ ^^ ،، ﻳﻤﺘﺰﺝ ﻣﻌﻪ ﺷﻌﻮﺭ ﻻ ﺗﺴﺘﻄﻴﻊ ﺍﻟﻜﻠﻤﺎﺕ ﺇﺣﺘﻤﺎﻝ ﻣﻌﺎﻧﻴﻪ ﻟﻴﺸﻜﻼ ﻟﻮﺣﺔ ﺍﺭﺳﻤﻬﺎ ﺑﺈﺗﻘﺎﻥ ﺣﺘﻰ ﺗﻨﺤﺖ ﻓﻲ ﺟﺪﺍﺭ ﺫﻛﺮﻳﺎﺍﺗﻲ ﺿﻤﻦ ﺍﺭﻭﻭﻉ ﻟﺤﻈﺎﺍﺕ ﺣﻴﺎﺗﻲ ♡··
#ﻭﺗﺒﻘﻰ_ﺍﻣﻨﻴﺎﺕ_حتى_ﻟﻮ_تحققت ..

#ﺑﻘﻠﻤﻲ ^_^

#fefy_khalil

عجبا للمطر

و يهطل المطر كي يشفي جروحا قد ارهقت اصحابها .. كي ينزل سلاما على تلك القلوب اليائسة ! يملؤها تفاؤلا .. حبا .. صدقا .. براءة !
تداعب حبيباته اللؤلؤية تلك الصغيرة التي بداخلي 😍.. فتحتويني بعفويتها و روحها المشاكسة 😁..! وأجدها قد اخذتني معها في شراع الامل كي نبحر حتى اللانهاية ..!
عجبا للمطر ! فقط هو القادر على جعلي هادئة .. حالمة .! كل قطرة من قطراته تطوف بين ثنايا قلبي لتخبرني ان هنالك شيئا جميلا قد خبأه الله لي !! 😊
#ومازال-المطر-حكاية-اعجز-عن-فهمها !!!
#بقلمي😍
#fadwa_khalil

إحساسك بالغربة

عن إحساسك بالغربة وانت ف نص الناس البتحبهم ..! عن إحساسك بي حاجات كتيييير ماف زول  ممكن يفهمها غيرك ! حاجات اتخلقت جوا هنا ♡ وهاتفضل ف محلها جووا !! عن نآس كتييير بقو باهتيين وصورتهم عندنا فقدت روحها فقدت حسها !! عن نآس بقو مختلفين تماما !
ولا عن نآس ادونا إحساس انو الدنيا لسة بخيير ..! وفجأة .. اختفو كدا بي مبررات احسن عدمها !!
ولا عنك انت !!!! ايوة انت البتقرا ! عنك لما قريت الكلام دا وحسيتو قاصدك ف منحنى من منحنيات ملامحو ! او يمكن م حسيتو ! عنك انت وقت بتراقب ناس حولينك ! و انت ف مكانك وهم بيتغيرو ! وبيرجعو ! وبيمشو ! وبيجو !
حصل فكرت ليه انت م بتتغير ! `
ليه انت م بتتعامل معاهم بي نفس اللامبالاة .. حتى ولو مصطنعة ! ليه م حصل جرحت حد فيهم !
انت م غلط !! انت انساآن ^^
#عن-إنك-انسان ♡
بقلمي 😁✌
#fadwa_khalil

يا نعمة من رب السماء

لو شفتي بس يا غالية كيف كل الحروف عجزت تسطر روعتك ❤
لو شفتي بس كيف الزمن وقف انحنى قدام عظمتك و هيبتك 👌😍
يا يمة بس لو شفتي كيف انتي ف دواخلي مسطرة📝 .. مرسومة غنوة ملحنة 🎶 !! وقتي الاضيق ارجع اشوف كيفن سطورا منظمة ! 👌
يايمة بس ما تشوفي شين ! يا نعمة من رب السما 😍
يا يمة يا حسا حنين .. يا غالية يا قلبا كبيير ❤ يجزيكي بس رب السما ..
عاد شن بيدي اسوي ليك غير اني اقطع وعدي داك .. انك تعيشي مكرمة 👌 .. يا يمة ديمة معززة❤ .. والكشرة ديك تختاك عدييل💔  ماا اصلو دربك يمة ماهو دربا بلزما !!
يا يمة شفتي مناي انا ؟ انك تشاوري علي هدييييك👉 بنتي البريدا البفهما ! واشق زحام الناس هناك👥👥 و اجيك انا ! واقول بكل عزة نفس يهدي هي الغالية المعاي .. يهدي هي الغالية المعاي الغالي قلبا❤ وجوهرا !
انتي الملاك انتي الطبيب انتي الدوا 😍!! يا يمة عاد كل الحروف اتبعثرت ! حاولت اكتب✏ اوصفك لكنو عاد عجز الكلام .. و يا يمة عاد عجز الكلام
و يايمة عاد عجز الكلام..!
#بقلمي 😍😍😍

کسرة ..
ربناا يخليييك لينا ي غالية ❤ و مايحرمنا منك يااارب ..!